svart
hamars

Við hjá Svarthamars ræktun höfum nú hafið ræktun á draumategundinni okkar, Frönskum bulldog. Við höfum ræktað Þýska fjárhunda í yfir tíu ár og tökum við þá reynslu með okkur í ræktun á nýju tegundinni okkar. 

 

Við höfum sett okkur háleit markmið og ætlum okkur stóra hluti með þessa tegund. Þó að stofninn á Íslandi hafi stækkað nokkuð undanfarin ár, þá teljum við vera talsvert svigrúm til að bæta gæðin. Jafnvel þörf. 

 

Það er að mörgu að hyggja þegar maður þegar maður byrjar að rækta nýja tegund. Því vanda þarf til verka við val á hundum sem nota á sem ræktunardýr. 

Eftir að hafa lagst yfir hlutina þá tókum við ákvörðun um að flytja inn nýjar og ferskar blóðlínu til að hefja okkar ræktun. Þar kemur fyrri reynsla okkar að góðum notum.

 

Við höfum nú þegar flutt inn þrjá unga hunda. Tvær tíkur og einn rakka. Að okkar mati eru þessir hundar allir sem sem einn, frábærir fulltrúar tegundarinnar. Tíkurnar fluttum við inn frá Serbíu. Mercy Me of Energy House (Mercy) og Songbird of Energy House (Bella). Báðar þessar tíkur eru virkilega fallegar og af úrvals ættum. Nýlega fengum við til okkar æðislegan ungan rakka frá Króatíu, Blockbuster Frenchies El´Diablo (Dino). Dino er æðisleg viðbót í hópinn og erum við spennt að sjá hvað hann gerir fyrir okkur.

 

Enn sem komið hefur allt gengið vonum framar. Við erum afskaplega stolt og ánægð með það sem við höfum áorkað á þessum stutta tíma. Bæði hvað varðar ræktun og sýningarárangur. Árangurinn okkar er verulega góð hvatning fyrir okkur að halda ótrauð áfram að rækta þessa æðislegu tegund um ókomin ár.

​

​

​

Hægt er að sækja um að fá hvolp hjá okkur með því að smella á takkann hér að neðan.